ماودعت شرياني

ودعت عامي وماودعت شرياني ..

باقي معي وانت فيه تعيد زلزاله

كل الليالي جنود تزيد حرماني ..

وجيوش نبضي تزيد بحالتي حاله

غربة بغربة تعيد الأول الثاني ...

كن الغرابه وطن عليت منزاله

 

معزوفة الجمر تكبر داخل احضاني ..

واوتار غيبتك غنّت جرح ورساله ..!!

يقول منهو نسى صدره نسى الجاني ..

وآقول مطعون حظ وخابت أقواله ..!!

هذي سماي أجدبت من عطر خلاني ..

وهذي سماوات حبه ماامطرت فاله ..!!

لوحة غرامه تقول اهديتك ألواني..

وانا نقشته بلون الما وسلساله

أحب فيه انثيال الما مع احزاني ..

 ويزيد جمره جمر ويغيب بزلاله ..!

ياليت روحي تهاوت قبل يلقاني ..

وياليتني ماهزمت الصبر وحباله ..!!

ياليتني كنت حرّ آطير باوزاني ..

واضحك مع الناس يوم الناس حياله ..

مير البلا راحت ايامي بحرماني ..

وأزريت ألمّ الخيال ودمعة أحواله ..!!

ودعت عامي ولا ودعت شرياني ..

 وماودع القلب حبك وانت زلزاله ..!!