أنت وأنت ناار

أنت ماااء .
وأنت نااار ..
أنت فوح الغربة القشرا على كف النهار ..!
أنت لجلك سمَوا العشاق وقفتهم على باب الأماني إنتظار
أنت صوت بدون صوت ..
أنت صمت العازفين ..
الذابلين بقطعة الثلج الحزينة .. وسط نااار ..!
أنت موت الموت ..
وغيابك غرق عاشق على أمره ..
ويتنفس مداك الأزرق الساحر .. 

ويتلحف بحار ..!
أنت فوضى شمس ..
وحضورك يرتب مابقى من ليل متعثر  بتلويع الستاير ..
والستاير غافية فيني ولَه ... 

حمَى حصار ..!
يا أمير الناس ..
ياروحي ..
تعبت وفاح من عيني أمل ..
مدري ألم ..
مدري غرابة موت ..
أو
زحمة سفر بين الغبار ...!