البلاد ألوان ماتشبه بلادي
والبلاد بلا ضيا ماهي بلد
البلاد النور والله خير هادي
روسنا ما دنّت لغيره أبد
التراب الروح وعروقي سمادي
الوطن صيوان حنّا له عمد
يسألوني لامتى هالعشق حادي
ليه غيره مايساويه وخلد
قلت يامجنون خذ هذا مدادي
لا أحد ناجح .. بقلبي لا أحد
الوطن أول وغيره شي عادي
الوطن بركان حب ولا خمد
انتمائي كلمةٍ تسبق جيادي
انت مائي يعني لروحي مدد
بندقه لو ثار من يلحق زنادي
الزناد الطين والبندق ولد
ديرتي أمي ولا أحب الرمادي
الشرف لاضاع ماينبت بعد
عزوتي ديره منابعها مبادي
الولد عن ألف سجل ياعدد
الوطن بعيونهم أرض وقيادي
والوطن روحٍ تسامت بالجسد
شوف هالعالم بكبره والهنادي
له وطن واحد وسيفه مابرد
السعودية ضيا عالكل بادي
ديرة البيتين ديرة من رشد
الوطن بين العروق يزف كادي
ولاوطن يرقا ولاحوله سند
الأمل .. بالله يكبر .. والأيادي
عدل ابو متعب وتاريخ الفهد
ديرتي للكل حضن وللأعادي
لو تمادوا بالظلام وبالهدد
الوطن ماهمته ريح التمادي
شمسنا ماهمها شمعة حسد
البنا طال السحاب بكل وادي
هيه ياتاريخ سجل هالوعد
ياوطن نفديك بارواح ونفادي
عالحلو والمرَ دايم للأبد
ينقصر حرفٍ تهيا من شدادي
تنقصر خيل العدا حزن وكمد
قلتها أمطار والغيمات زادي
جوّي المعتاد هو برق ورعد
قلتها للكل طيني هو ودادي
انتمائي ياعمى اللي ماركد
قلتها وآعيد : من يشبه بلادي ..؟؟
ما يساويها بـ هـ الدنيا بلد ..!!
ليست هناك تعليقات:
إرسال تعليق