غرد الطير واستانس بخفق الجناح
ماعلى الطير شرهه والمدى ينقري
غرد الطير وتلعثم فضاه المباح
وعانقت دمعة الأطفال بسمة ثري
استوت في عيون الليل والصبح صاح
كم على البال خنجر والزمن عثري
كم نغني وطن أو كم نعيد الرماح
وكم رجينا ضيوف الجرح ماتفتري
كم على الدرب غنينا بحلم الصباح
اولي صوت حزن ودمعتي بآخري
اشتري من رضا همي جنون الرياح
وغير هالهم والآمال ما بشتري
ياوطن جيت لك عاشق بدمي سماح
جيت كلي وكلي فاح في دفتري
لامتى ياوطن والحلم يمطر جراح
لامتى والجراح تعلَ مااءٍ طري
ياوطن لك عيوني والعيون الضواح
بس عطني عيون الصبر ياآسري
مابقى للدموع دروب ولا وشاح
ولا بقى لآخر الآمال فيني جري
خذ حياتي وخل الما سفير النجاح
ولا تساوم على حبك وكلي بري
هاك مني عروقٍ تستفز الصباح
وتعقد الدمع لولو حب ماينشري ..!
ليست هناك تعليقات:
إرسال تعليق