قال الثمر..!! قلت الغصن يشرب الما
ولا خير في غصن شرب من هماجه
قال المطر ..!! قلت المزن صوت بكما
يرسل على أذن الـتراب احتياجه
الما..!! يسمونه حيا .. بسّ يضما
جفاف روحـه ينعقد في حـجاجه
يا صاحبي صحّيت بي جرح سلمى
الــنبض زاد وزاد فيّ احتجاجه
طـير الوجع غنى والالحان ثرما
ياعمّ سام إقْبل ولي فـيك حاجه
الله يـقول الخيل والسهم ترما
ترهب جمـيع اللي ذكرهم علاجه
ماهي سوالف أو شعر يلبس اعما
أو منـهج لتعليم يرضي مزاجه
هذي حقيقة شرع والشارع أسما
الله حفـظها نـور يوم انفراجه
ومهما الأماكن غردت بك والاسما
يومك وصل ياسام عنق الزجاجه
العمر ومضة عـزّ والـعزّ ينما
في عـين وقتٍ عامرٍ بالسـذاجه
سيف الليالي فكرْ والـحرّ يحما
واللي تبسم لــيت يعرف خراجه
ذرة تراب أثمن من الروح والما
وريش الصقرّ ماهو بريش الدجاجه ..!!!
ليست هناك تعليقات:
إرسال تعليق