لاتلوم الوقت ياعذب السجايا
القدر مقسوم واحنا صابرين
لو قريت الصمت خذ معك النوايا
لك بروحي شوق عمره ما يلين
أعترف لك : كل مافيني شظايا
وكل ما أملك مداين من حنين
الهدايا عمر .. وافرح بالهدايا
في رضاك تهون بي كل السنين ..
ماحسبت حساب لعيون المرايا
يكفي أنك صورة عيون الحزين
التفت في كل ركن من الزوايا
والمحك بعيون كل الحاضرين
شوقي المجنون دمعه بالحنايا
وامسح دموعه بحلم الراحلين
ابتدي وانهي مسائي في ضمايا
وبالصباح تفوح مثل الياسمين
عطرك بكفي وانا طاهر خطايا
صوتك بسمعي وحضنك باليدين
هو تسامي نبض باحساس الرزايا
هو جنون الحال في لحظه أنين
هو صباح بثورته مثل الصبايا
في جماله / حلم عيا يستكين
هذا هو حال الغريب بلا قرايا
يهتدي نبضه .. بنجمات الونين
رحلته ظلما /ونوره لـ البرايا
خطوته قشرا ..ورجلينه يمين
يستفز الغيم / يتساقط عطايا
تمطر اركانه بحزن العابرين
الغريب إن مات ماعنده وصايا
يكفي ان الحلم بيدينه دفين
لاقريته قلت :ماباقي ورايا
غير "أحبك" / يابعد هالكلميتن :
لو فديتك بالعمر .. ماهو خطايا
الخطا ..وشهو العمر ؟ وأنت السنين ؟؟
ليست هناك تعليقات:
إرسال تعليق