الصح وردة والخطا قطفة الورد
واللي يشم الورد ملزوم يشقا
من عطره ابدا بالتعب رحلة السرد
يطيح نجمي والصدق روح ترقا
الناس بحروفي قبايل وانا فرد
بهمومهم وصلي واذا مت فرقا
اكتب بدمعي لعبة النور والنرد
واسقي غصون الحق وتعيش ورقا
ملت جبالي تحضن الريح والبرد
ومل الدفا من صورة البنت طرقا
أدري السنابل تحتري حزة الجرد
فيها كسيت العمر تاريخ يبقا
وادري طواريق الشقا ترسل الطرد
وادري سماي الوان ماهي بزرقا
النبض خاطر والخواطر لها رد
وفي خاطري حرفين باضلاع حرقا
كتبتها يوم المطر عذب الورد
واحلى الخطا نبضي مع روح ترقا
ليست هناك تعليقات:
إرسال تعليق