صوت المطر بقزاز روحي له آفز
وش عاد لوكان المطر وسط روحي
قطرات غيّ تهزها الريح واهتز
وآحاول اجمع بعض بعضي بفوحي
بين الأصابع شوقها واضح النز
الله واكبر لو تحقق طموحي
رويانة بالثقل واللطف والعزّ
لامن تـحدّر بعضها صاح بوحي
تطرب معي واطرب وفي خاطري حز
طعم المسا لاجا يشتت وضوحي
صعبه ليا عديتها لعبة الكنز
والأصعب اعزوم الغلا في جموحي
لاقلت في نفسي أبصرف لها طز
هاج الغرام وكبل العشق روحي
أدري أني غير والله
ويدري احساسك بعد
وانتي أجمل طير والله
وانتي ماغيرك أحد ..
قدمي نبضك عليك
الغي احساس الأنا
أشربي مني أنا
اطلبي كلي أجيك
والتعب صوته يجيك ..
الله يا حسبي عليك ..
إلا على طاري التعب .. وش آخر اخبار الضياع
قالوا سكن في ديرةٍ .. فيها ولا فيها أحد
أية حروف بتقمعه .. والعشق تاليه الوداع
واية زمان يخالفه .. لامن بكينا له صعد
تعالي بعين الدفا .. لاصارت اللهفه سباع
وروحي بعين الرضا .. لاعاش نبض ابلا رعد
هي سالفه من دون سطر .. هي كذا جات انطباع
واصعب خيانه للمسا .. لاعشت ذاتي للأبد
أكذب على طاري التعب ان قلت لك شوقي يباع
أنا أنا كلي عنا .. والشوق حلمه مارقد
غير الحقيقه مالنا .. ومؤشر النبض ارتفاع
إما انتعشنا به سوى ..او ضاع دامه ماركد
هذي سنينٍ خاويه .. حسبي على طعم الضياع
وحسبي على صوت القزاز ان كان ماحولي أحد
يا هايمه
ماعدت انا ذاك الولد
كلي حنين لتربتي
والشوق يقتل ما خمد
تدرين وش يعني عشق
تدرين وش بعد الكمد
كل الأماني تختنق
والحلم بيدي ينشنق
ياهايمه إما تجين
أو روحي بعين الرضا
روحي وانا كلي قلق ..
صبي على غيم الهوى بعض منك
وارقي مسارات الوفا بفتح الباب
لاتسأليني كيف ترتيب همك
الهم صوتك والمدى نزف مرتاب
أحلف بربي عاشقك كني أمك
هذي المشاعر مابدت لاجل تنعاب
العيب موت النبض باطراف كمك
والمشكله عزف الشقا بيد منصاب
إما وطيتي نار عشقي بدمك
ولا ارحلي يا سدرة الذوق بغياب
ليست هناك تعليقات:
إرسال تعليق