هات كلك

هااات كلك .. 

مايصح إلا المطر والكل ظلك

هات بعض اللي قريته 

في عيون الليل 

في الشمعة 

وفي كل التساؤل .. 

لابكى نهرك 

وقال الشوق : من لك ؟؟ 

ها ت من غيمتك مايسقي تفاصيل السما .. 

قبل العما يجتاح خلك

هات كلي لااغترب نبضي مع صمت الثواني .. 

واعتليت جبال صبر 

ولا لقيتك في محلك 

هات من ساحل عيونك .. 

شي يشبه للحنان 

ويشبه احساس المواني 

لابكت تحت انتظار 

وموجة وصالك تدلك 

هات منك اللي تبين .. 

ولاتخلين الأغاني تذبل بصدر السؤال 

اللي سلبني روح تحتاجك ... 

وغيمة من غلا دايم تهلّك

هات اجابات السما .. 

دام الضمى خنجر حنين 

يفتت عروقي يسلّك

هات معنى الإحتواء اللي سرقني 

من مساي 

ومن نهاري 

وراح يكتبني على جدرك .. 

متى بآآآشمّ فلّك

هات كلي .. هات ظلي .. 

هاتني من بين صدرك طفل يحتاج ابتسامة روح .. 

تحيا فيك كلك