لا لمحنا صلاح ... ولا لقينا عمر
ياوجيهٍ على ( نار المذله ) .. تفوح
شمسنا للصليب وللضعيف القمر
لامتى والحقيقة ... جرح يمطر جروح
الهزيمه / هزيمة فكر ساس اندمر
والنصر بالنواصي .. مالقى له جموح
بالثواني كتبنا ... عمرنا ما انعَمر
بالحروف انتزعنا.. مدح ماله وضوح
وانت عودك سقيته غيّ لينه ضمر
وانثنى جهل .. ليتك/ مالهبت القروح
لامتى ؟؟ وانت ماتقرا نزول الثمر
لانضج .. لان بغصونه / وطينه يبوح
وانت بالسنديان.. تقول هذا سَمر
لاجمعت الحطب .. والنـار يمك تلوح
عطني اللي من العزه سقى وانهمر
عطني اللي بسيفه .. مبتدي بالفتوح
اربط حزام غيك .. واعتضد بالكمر
مايشد الظهر غير / احتفال الطموح
الشعر ..!! ماكتبته لجل حفلة سمر
ولا كتبته لجل/ مكسب/ولعبة فروح
ولا كتبته.. لجل ينقال / سيله غمر
ولا كتبته/ ترف..إلا قرف/ به أنوح
الشعر..!! غيم روح وربي اللي أمر
أكتبه ( نحر زيف ) وتبتهج ألف روح
ليست هناك تعليقات:
إرسال تعليق