أكتب أكتب

اكتب.. اكتب ..

وجدف اعيون المسا ..

والحزن مركب ..!!

أكتب  .. اكتب ..

من مواويل التعب 

وانفاس روح الروح  رتب ..!!

أكتب .. أكتب ..

لاتنام ..

لاتبيع الورد والحان الحمام ..

لاتروح ابعيد 

لا تنسى .. ولا تقسى ..

ولا ترجع بحلم العمر .. لأقفاص اللئام ..!!

أكتب ..

ان الموت حق ..

وكلنا في صف واحد ..

في صفوف الخير .. في صف الفضيله 

لاتشيله ..

يرحم اللي جابتك 

مافهم وش حاجتك 

خله يداعب مصيره   

في صفوف الغير ... في حضن  الرذيله ..!!

اكتب ..

النجمات غير ..

واترك المعنى يطير ..

في سما بغداد .. في كف الأسير ..

في كفوف الذل .. 

وامطار الوصايه ..

ألف صوت وألف آيه ..

وبين بين .. البعض .. ضعنا 

وابتدينا ..

نكتب التاريخ بلسان الحكايه ..!!

أكتب ..أكتب 

وارجع لبعضك ورتب ..

من يطيش اليوم .. 

بكره .. يرجع بعينه وشكره ..

وكل ما جاله مكان ..

ضاع وسط اللا مكان ..

وقال يمه ..

ليتنا بنعيش بكره ..!!

ليت حرفي ضاع سطره ..!!

ليتني شباك غافي ..

ليتني بين المنافي ..

مالقيت الصبح هم ..

ولالقيت احزان عطره ..!!

أكتب ..أكتب ..

لين مايبقى بوجه الغيم ..

عرقّ ..

 وروح واشطب ..!!

أكتب .. أكتب ..

وازرع ايامك بنورك ..

قبل ماتذكر فطورك ..

هذي  أطراف الأماني 

واعذب أوجاعي وناري 

سمها .. أكتب .. وأشطب 

سمها .. تجريح قاري ..

سمها والعطر يبدا

ينفض اجوائك ويهدا

سمها .. والليل ساري

سمها .. قبل النهايه 

سمها .. بعد الوصايه

سمها .. والوقت عاري 

.. سمها حمى أنشطاري ..

سمها .. سلمى وظلما ..

سمها بأية أسامي ..

المهم انك تصيح

بكل حلم ..ولا تطيح 

خل ترتيب الكتابة 

يشربك لاصرت ظامي ..

خله بفوضاه يلعب

يبتدي بك 

 ينتهي بك

ما تحس انه نظامي ...!!