فضة كلام ..!! أو هو ذهب صمت يختال
ولا ذهب ..!! وعياره اثنين واربع
مدري ..!! ولكنّ الحكي ... مــعدنه سال
في جوفي ... آحس الحيا به تربع
وآحس موتي .. كل ليله .. على البال
وآحسني .. أصعب من الغير واسبع
آشيل بعيون التعب .... حلم و جبال
وآشوف ظلم الناس .. والذل يربع
ياكم شجاعٍ / صاح ... ماغيّر الحال
وياكم هبيل / يحسب الصوت أصبع
وياكم وياكم مهتني / ضـاق بالمال
وياكم فـقيرٍ .... بابتسامـه تشبع
وياكم غريبٍ / قدّم الخير .. وانهال
وياكم قريب / بخنجر الشر يجبع
ياصاحبي ... ماكلّ رجال / رجال
ولاكل .. من شاف القمر يوم جربع
ولاكل عاري .. يستره ثوب وعقال
بعض العرب / ببشوت والعقل قربع
دنيا غريبة ..!! غربة القبر ياخال
اطبع هنا برضاك ... وهـناك تطبع
كل المسافة ... حزن بعروق رحال
لو يهتدي بالنجم ... للنـجم سبع
كل الخطاوي طرد .. يا غربة الفال
والجذب مابين الخٌطا .. حلم يقبع
ومابيني وبين العطا ... سرّ ينقال
مابيننا .... منبع / ومنبع / ومنبع
روح الشعر ماهي سواليف أطفال
ختم الشعر بالروح .. والثقل يتبع ،،،
الصمت حكمة .. والحكي حرّ ياخال
كله ذهب ... وعياره اثنين واربع
ليست هناك تعليقات:
إرسال تعليق