هبّ صبحك وانتشى فيني وعاد
يزرع الخاطر جــروح ويعتدي
الله اكبر وش ورى نوض البعاد
غير تلويحة حنـــانً جرهدي
عاث نبضك بين طيات السهاد
وارتكب غيه على اطراف الجدي
بعثر الباقي من اصناف العتاد
والهب العطر المعتق في يدي
غرد بصوت التعب كل الجماد
واحتميت بطيف ذكرى مولدي
وين ذيك الروح ياروح البلاد
وين يوووه وروحها يامسندي
وين صبح الخير ياصبح الزناد
والصباح .. بنور خدك يهتدي
مانسيت الص/بح حب وحرف صاد
حب صيد / وصاد حب ورددي
كلها يا فتنتي ثورة مداد
تصنع اللا صنع في عقل اجودي
من غيابك جتني أسراب الجراد
كل منها .. قال / انا لك يابعدي
بس وربي / خالقٍ كل العباد
نورك اعماني .. وعهدك يبتدي
أدري انك عاشقة دور العناد
خشيتك طافت على صوتي عدي
اعزفيني رتليني حرف ضاد
ضيّ روحي ليه ؟ يالزهر الندي
وان رفضتي جيت لك ثورة رماد
وانثريني .. في عيون المعتدي
ليست هناك تعليقات:
إرسال تعليق