أبكتب ..
لو سمحتوا لي ..
أبكتب عن جروح : جروح
أبكتب عن مسائي ..
واخرج عن إطار النص ..
واكتب عن .. مساء البوح ..
أبكتب بعض مني ..
لاغفى .. صدر المواجع ..
فوق ساحل .. من قضية روح ..
أبكتب لو سمحتوا لي ..
أبكتب عن سفينة نوح ..!!
الما ..!! هو الما .. والمجاديف .. بالغي
والسيل ..!! سال .. ولاشهق غير / روحين
روح ( الغرام ) .. ولملمة .. بسمة الضي
وروح ( انتظار) الضي ... مابيننا ... بين
راحت بعيد ... ولاعّني .... ميسم الكي
صدري وطن .. للنزف .. والهمّ / همّين
ياهمّ / جرّ الهمّ ... من شمس .. لا في
همّ الفراق .... وهمّ ... جيتك .. بعدين
ياهمّ ..!! ياصبح العنا .. هيييييه / ياخي ..!!
وش باقي .. بسيف الشقا ... للشرايين ..؟
ناري .. تشبّ اللي سكن ... خارج الحي
والبعثره ....!! جمرة ... حنين المحبين
بفراقها .. موتي .. حقيقه / وانا حي
بغـيابها ... سرّ ... اختلاف الموازين
كانت .. فرح يوم انطوت .. داخلي طي
كان الأمل .. بكفوفها .. ياصل الصين
بلّل جناح الطير ... بغصون .. من تين
كانت .. مجاديف الوله كانت الري
كانت .. حنين الما ... وأرضي بساتين
كانت .. شموخ الما .. ولازيها زي
كانت .. ( سفينة نوح ) .. والكل ناجين
كان العطا .. بحضورها .. حاتم الطي
شيخة كرمّ ... واشواق قلبي .. مساكين ..!!
الله واكبر .. كانت ايامها / شي
من بعثر اعروقي ..؟؟ تقول المجانين ..!!
كانت هنا .. مدري هنا .. ساكنّه في
قصاص قلبي .... شوفة ... العين للعين
الما ..!! هو الما / سكر الملح والغي
والعشق ..!! تفاحة قدر .. تاكل اثنين..!!
ليست هناك تعليقات:
إرسال تعليق