ليت في كفّ الصباح ... يطيح حظي وابتسم
أو يموت الليل لحظه .. في عيونك يالصباح
ربّما .. ريح الفراق ... تصيّر عنوان الحسم
ربّما ... وجه الغريب ... يعيد تقسيم الرياح
ربّما .. الغربة بتسقط .... من أساميها أسم
ربّما ... وادي جروحي يطلب أمطاري سماح
ربّما .. كمّ ربّما ..؟؟ كنّــي بحصّة رسم
واستعير الوان غيري ... حلم ... وآظنه مباح
كل أجزائي تسامى .. نبض .. مآحس بجسم
لاوجود .. ولا حدود .. لسـيل يمطرني جراح
أدري أن الهمّ قسمي .. محتفي بي منقسم
للوطن نصّه .. ونصّه صوت عاشق مااستراح
آآآه ياقصّر الحكايه .... آآآآه ياكبر القسم
وربّ .. أمطاري وناري .. مابتـثنـيني رماح
قلتها / بعيون طفل ... وقلتها / روح ونسم
يا آعيش بعزّ ..!! ولا ... طزّ يانور الصباح ...!!
ليست هناك تعليقات:
إرسال تعليق