ماعندي اليوم فكره وانتي الفكره
ولا عندي أكثر من الأشواق تحداني
الماضي انتي مع الحاضر مع بكره
انتي لحالك ..بدون / اول .. ولا ثاني
كل المسافات طيرٍ .. مالقى وكره
على مراقيب جوِّك ...عاش وحداني
يشرب من الغيم غيمة حب مايكره
ويضرب جناحه .. ويتساقط بتحناني
الوقت باشواك صبري ناصبٍ مكره
اليا متى الغصن .. يتمايل على شاني
وردِك سقيته بروح تعيش بك سكره
وانتي شربتي غرور الورد .. بلساني
إعلان نبضي له الأضلاع محتكره
كل الشرايين / تهتف .. فيِك تعصاني
صك المحبه يصوغه ليلي وشكره
والختم من روح قالت / أنتي اوطاني
ذكرِك ليا طاح في ليلي بدا ذكره
ويطول بي غصب .. والذكرى تبلاني
تذاكر الحفل دمعة شوق مفتكره
مندِيلك اللّي .. نسى / منديلي الحّاني
تعالي اليوم ولا .. لا تجي بكره
ماعاد بالعمر / عمر .. أعيش به ثاني ..!!
ليست هناك تعليقات:
إرسال تعليق