الغيم دمعة سما والعين باب الروح
والليل خدّ الغياب ودمعة الساري
دخلت فيني لقيتك .. تستبيح البوح
خرجت مني لقيتك.. تنفض غباري
تبني مسافات ذاتك والعطور تفوح
وابنيك بين العروق تهدّم اسواري
اقراك دمعة وطن في شارعٍ مذبوح
واكتبك قصة مطر مافارق اقداري
قلي متى تحتويني .. أو متى بتروح
قلي متى أشطبك من دفتر اشعاري
قل لا متى أنتظر والأنتظار ينوح
الثانية عمر ثاني .. وانت بي داري
جيوش نبضي ببابك تنتظر وتلوح
يامالك النبض وينك طال مشواري
وش عاد بكتب حبيبي أيه انا مجروح
كلي حنين أحترق والنور من ناري
تعال من دون تسأل والوطن مفتوح
دامك عيون الحياة .. وروح لامطاري
ليست هناك تعليقات:
إرسال تعليق