نبض المطر ومخايل البرق والباب
جتني وبين اضلاع روحي سحابه
قالت تعال ولملم الصبح بـ كتاب
شف السنابل كيف تضحك صبابه
شف المعاني وسط تفاحة الغاب
واحذر من الشيطان عشق وكتابه
قلت المسافة بيننا عطر وغياب
نفس المسافة بين جمر وكآبه
يعني غريب وكل ماحولي اصحاب
يعني لحالي ليل والليل لابه
فصلت لجروحي تعاليل وانياب
ولقيت شوقي للمسا فك بابه
أبني غلا ويهدني خنجر احباب
يكسر ربيع العمر واحلا شبابه
مليت مني حاضن الريح مرتاب
تسوق عطره ذكرياته ثيابه
وآغيب فيني واسال البرد ماتاب
ويقول تو الليل يبدا حسابه
قلت المطر قصه وله تلبس ثياب
دام الغياب بسنته شرع غابه
خله يغيب وذكرياته على الباب
والله ماتوقف عليه السحابه ..!
ليست هناك تعليقات:
إرسال تعليق