سطور البرد

وتدور بالعقرب سنين ..

تتمايل الغرفة مطر..

والسقف لجنوني سما .. 

مدري سفر يممت وجهه للمسا

أوفاح بكفوفي عسى ..

 مدري ولكن المكان اللي جمعني بالأمل ..

نفس المكان اللي تحطم به حنين ..!

طفايتي هي نفسها ..

أصابعي هي نفسها..

وروحي حكاية موت حلم أو ليل ظلم

 ولملمة طيش وانين ..!

وكلمتين وكلمتين ..

لا أمل لاحلم لاترتيب لأنفاسك ..

ولا صبر ويقين ..!

كل ماحولي يعاني ..

غطرسة فوضى 

وليل أجرد من البستان يقطفني

 وريح تعيدني للغربة القشرا سؤال ودمعتين .!

من يعاند من ..؟ 

ومن يسأل عن الأحلام

 لامرت جباه الصمت قبل الكبت يتقاطر عرق حلمي 

سكاكين وألم تسكن فؤاد الصابرين ..! 

من يسلَي من ..؟

ومن ليمون روحه صار باقداح المسا

عنوان صبح أغبر هجره الطير قبل الخير مايروي غصون العابرين ..! 

ياتفاهات السنين 

كل مانرقع جروح .. 

يضج بالدنيا مواليد الجروح .. 

وروح تتأمل صباح العطر واهداب الأمل

 تمسح جنون العابثين ..! 

ياسطور البرد وانسام المطر 

ياأرض يافرض العطا 

ياروح روحي وش تبين ..!

يرحم اوصالك تعبت آدوزن جروحي على فوحي .. 

وأنام بمكتبي 

طفايتي همي 

وكلي صبح مامرَه صباح 

ولاسكن بضلوعه أبيض منه .. 

في حضن الجدار الممتلي قمرا وطين ..!

ياعروق الميتين

مابقى للحيَ صوت

 ولا بقى لأوراقه الحبر المهيَل بالأماني وانت أنت أول وثاني

 دوم تتساءل متى 

بتروق لك دنيا 

وتتفاءل وانا كسر المطر 

كسَر خلايا صورتك مابين كل العاشقين ..! 

لامتى بتموت فيني 

والكفن بيدي نسجته لك ولك فوح المطر والياسمين ..! 

لاتجيني بعد ما حطمت لك كلي 

وكلي غربه بغرفة مطر ..

مدري سما ..

مدري سفر.. 

المهم أنه تحطم مابقالك بقايا 

ومابقالك من حنين ..!