الموت .. غربة وطن باوطان مغلوبه
ولا الوطن روح تتمايل مع الغربه ..!!
غريب هالوقت ... ماغيّر من اسلوبه
لا هو نصفني .. ولا هو ناصف التربه
كثر العجب .... مايولد خاطر التوبه
لاتاب وقتي ... ولا آنا عفت من حربه
طيش التساؤل رماني روح مسلوبه
للــريح فيها دروب ... وللعنّا دربه
وافك قيد المسا .. وآطير باعجوبه
هارب من الحزن .. وآنا طاير بسربه
وآمرّ حارة سعيد ... وجابر الطوبه
وشارع الخفجي ... اللي لاعني قربه
القى وجيهٍ كثيره ...... حيل منكوبه
وش ذنب وجهٍ يموت ووجه يفطربه ..!!
كم باقي اليوم بالتاريخ .../ اكذوبه ..؟؟
لاطـاح أبريل .... جا أبريل يسخربه
كوُبا نفت كْوَبهم ... والكسر في كْوَبه
من يشرب بكف غيره .. ماهنا شربه
كل المفاهيم ... للأشـياء .... مقلوبه
الصايبه مخطيه ... والمخطيه ذربه
كل الخطاوي .. مسافة جرح مكتوبه
كتبتني أرض ولا فرض .. أو حربه
مدري !! ولكن سحابة حرف مصلوبه
تمطر عنّا .. والهنا ماظن تمطر به
هذا أنا .. نور شارق .. واضح غروبه
والشرق في كف ليلٍ ..لاح به غربه
سجلت أسمي ..على نحره وفي ثوبه
لو غيّر الثوب .. نحره واضحٍ كربه
كم واحد يعيش ... صفر يسار يادوبه
وصفر اليمين بيميني ماسك القربه
ماعشت غافي مع اولاد السهر نوبه
صحيح واحد ولكن ضربتي ضربه
آنا وطن غصّب ... والأوطان مغلوبه
والغربه بدون روحي وش هي الغربه ..!!
ليست هناك تعليقات:
إرسال تعليق