من صباحك ستاير هالمدى فوق فوق
كل ما جيت أنزلها .. يصيح الحنين
لاتحرك شجون الجرح مابي حروق
يكفي النار تغريبي.. وحرق الونين
لاتذكرت صوته ضج صوت العروق
كل منها يبي يخرج .. ولا له ضنين
أيه يالذاكره موتي .. ولا لك حقوق
ياتموتين .. ولاّ .. مت شوق وأنين
من رياح الفراق / البحر كله شقوق
لامراكب على صدره ...ولا يستكين
مارد البحر وينك ؟ ماتحس البروق
المطر سيل ...يجرفني على جمرتين
جمرة الشوق واطلالك أبت لاتروق
وجمرة الصبر.. ماتقرا رماد السنين
ليه ؟؟ قلي بربك .. ليه روحك تبوق؟؟
ليه تسرق شراشف لهفتي ماتعين؟؟
لامتى ؟؟ لامتى ؟؟ وانته بليا شروق ؟؟
لامتى تختفي فيني ونا اسألك وين ؟؟
مابقى بالمسافه .. غير سمّ الطروق
ولا بقى بالصباح إلا / عنّا كلمتين ..
ياحبيب الصباح .. وياحبيب العروق
الستاير على حطتك.. شوق وحنين ..!!
ليست هناك تعليقات:
إرسال تعليق