أحضان السكوت

على طاري لقاك ..

لقيت بكفوفك خلايا توت ..

ترفض احضان العروق

وتلبس احضان السكوت ...!!

خلني بيدك 

خلية صمت تترجى لقا 

تلبس عناقيد الرضا

وتعيد فيني مامضى

لاجل أرتمي بيد الفضا

وأعيد سيرة صاحبي

واقول بس لحظه واموت ..!!

خل السما بيديني 

أصغر ..

خلني آروح وأكبر ..

من عيونك يبتدي طعم المدى

ويخالطه سحر الكلام

بأي معنى ..

بأي طعم ..

بأي ترنيمه وقوت ...!!

يابعد كل السهر ..

والصبر ..

والحان القدر ..

ماملت يمك منكسر ..

لالا تروح بنور نورك ..

ويزهى بك الحظ وغرورك ..

جيت لك فوضى مشاعر

تكتب الدمعه بصوت ..!!

أدري وتدري معاي ..

أن طعم الحرف ناي ..

يعزفك بيني وبيني ..

وانت تتلذذ بديني ..

يخرب أيام الجفا ..

ويخرب أيام الوله ..

أنت ما عمرك قريت ...؟

أنت ما يومن دريت ..؟

أن من يحضن بروحه ..

ويعشق أشلائك بفوحه ..

يجيه يوم ..

ويلعن أيام السكوت ...!!!!