ياسيدي .. فاح المسا / عطر واشراق
ياسيدي ... ماهو مسا .. صبح راقي
شمس انطلاقك ... متعة الليل .. لافاق
على جموحك ...... ياخيول انطلاقي
آحس بك / ثورة على كـل الأوراق
أية ورق ..!! ماباقي اليوم .. باقي
زفرة حنينك .... فوضويات الأشواق
بيني وبيني ...... عجلت بانعتاقي
روحك / حكايه للمطر ... وانت براق
سبقتني .. فيني ... وهلّ اشتياقي
حاولت ألمّه ... قالت الروح / ماطاق
خله يداعب مابقى ..... باحتراقي
رذاذ صوتك ... بللّ الصدر .. واحتاق
كل الجروح ... ولمّني باختراقي
خذني بصدرك صدر .... خذني بالافاق
هذي وفود العشق .. ياخير ساقي
العشق ..!! قصه لفت اعناق واعناق
وتيممت للما ...... بحجة عناقي
ياسيدي ..!! صدري وطن / وانت الاعماق
دجله غلاك .. وصدري اوفى عراقي
ياسيدي ..!! أنته ملك كل الأذواق
شعبك عروقي .... وانهياري فراقي
ياسيدي..!! والقيد مشتاق مشتاق
حرّر طيور الروح .... هات استراقي
ياسيدي .. ياسيدي .. جتك الاشواق
الصبح / ثورة روح / وانت انطلاقي ..!!
ليست هناك تعليقات:
إرسال تعليق