راح الخريف

راح الخريف وراح دمعي بلا صدر

ماغير ارتب لـ الشتا في عروقي



تعال يافصل العنا هات لي عذر

يمكن يجف الدمع داخل خفوقي



سماي فوضى ممطره كلها صبر

وآآنا الجفا هذب مساي وشروقي



صبحي ظلامه برد يختال بالجمر

ومابينهم ضيّعت كامل حقوقي



ولا أمسيت ليلي ماهداني ولا قدر

أولع شموع الشقا وسط موقي



ياروح أنا مثلي مثل ميت الزهر
إلى متى والحزن بيتي وسوقي



الغربة اللي لوّنت روعة النهر

لاهي بشفّي لا ولا هي بذوقي



فيني مداين شوق ماخطها الحبر

وفيني سما لونتها من طروقي



آآشوف كل الناس ماتشبه الفجر
وأنتي لحالك دفتر النور / طوقي



أطير أسراب الأمل تشبه الصقر

وتعود لي مكسورة الحلم فوقي



ياروح كل الأسئلة طعنة الصدر :

راح الخريف ولا بقى غير شوقي ..!!