لا أجيك ولا تجيني

مايهم آجيك أو حتى تجيني ..

 أنت فيني عشت لو مهما تغيب

ولا يهم تقول "أحبك " يا ضنيني..

 قالها دربي معك : خلك غريب ..!

السما ماهمها لو عشت فيني ..

 السما تهتم في شمس ومغيب

طير بعيوني ولا تبكيك عيني ..

لانزل دمعي بتنزل ياحبيب

أسهرك وأرضا يشاغبني حنيني ..

والأماني كلها : خلك قريب

هات كلك لجل تحيا بك سنيني ..

مالنا بغيابنا ... حظ ونصيب

الرياح الصمت وغصونك تبيني ..

لامتى صمت الفرح ماله حسيب ..

خذ من اوطان الجفا ما يعتريني ..

وهات كفك نقسم الكون الرحيب

الأمل واقف على حسرة يديني ..

لالمسته جيتني وردة وطيب

ماغفى نبضك ولا سددت ديني ..

والطريق بغيبتك مثلي غريب