فتنة الما

يافتنة الما والسهر / ياكثيره ..

أنا قليل بحسرة عروق وأنفاس

 

أنتي تفاصيل الحياة المثيره ..

وأنتي بقمة هالمسا : قمة احساس

 

أنتي كنوز الحلم في شكل ديره ..

تحضن فقير الدرب وعيونك ألماس

 

أنتي سنابل حب / دمعة كبيره ..

 في حلق عاشق ماتشابه مع الناس

 

أنتي جواهر نبض عقد وأميره ..

وانا كسير الحظ وجنونك اقواس

 

أنتي حكاية غصن ماعاف طيره ..

واحنا حكاية ظلم في دفتر الباس

 

هاتك معي نصنع من الغيم جيره ..

 ونشخبط الدنيا على كل كراس

 

العمر واحد مالنا عمر غيره ..

والحب واحد والمدى نوض الأجراس