ماعرفتي وش يصير ..؟؟
الليالي حزب
واحزاني بحزب
والحنين يشق صفي
مثل ماشق السفين البحر
في صدري ..
وصدري ملح ذنب
ودمعتي دمعة ضرير ..!
ماعرفتي وش يصير ..؟؟
المواني يتم
والرمل انتظار
ولا على الدنيا حرج
والفرج محتاج ساحل
فيه طير يحلق أكثر
وفيه طير يموت راحل ..
والبحر نفس البحر
ماله بعينه كبير ..
وانتي انتي
بحر مجنون الملامح
ماالتقى ليله بمينا
ولا قرا ليه أنتهينا
ولاعرف يقرا عيونه
وداخل أحداقه كثير ..!
ماعرفتي وش يصير ..؟؟
كل هذا الصبح ميّت
والمسا يسكن فراغي
من يروّض خيل شوقي
غير دمعه في شماغي
تكتب المعنى وتقرا
وصمتها عالجرح طاغي
والله أنك ماعرفتي
كيف كنت وكيف كنتي
وكيف كان الما أغاني
وكيف كان اللحن غييير ..!
ماعرفتي وش يصير ..؟؟
المدى محكوم غيمه
والأراضي في سعير
والمطر مازال حاكم
في مداين من جنون
ولافتات الحيّ تسأل ؟
من يخون ؟
ومن يكون ؟
من يخون الما
ويهديه الجفاف ؟
من عروقه تبكي أكثر ؟
من نسميه الضفاف ؟
شعب نبض
وموت حاكم
وروح للما سافرت بي
وصرت أنا شعب وأمير ..!!
ماعرفتي وش يصير ..؟؟
اعتذار الوقت دمع
وغربة الأنسان ريح
والصواديف بخطرها
موج غافي
موج ضافي
موج صوته غصتي حزني
وتغريبي جفافي ..
لاتخافي مـ الحنين
الحنين يشق صدري
والصواري بك تسير ..!
ماعرفتي وش يصير ..؟؟
ماعرفتي للأسف ..!
وصفي أغرب من غرابه
وحزني أقرف من قرف ..!
واسمي بعينك مسافر
واسمي بعيني نزف :
المطر والديم
واحساس الغريب
وكل مايمكن يكون
وكل مايمكن عزف ..!
ماعرفتي وش يصير ..؟؟
لو عرفتي وش يصير
مابكيت البحر
وشقوق الحنين
ولا سكنت الماء
بامواج اشتياقي
ولا تغرّبت بجنوني
ولا كرهت أصلا عيوني
ولا قريت النور موت
ولا عطيت الروح صوت
ولا حزنت لأي طير
طار في رحلة ضياع
وروحه أقرب مـ النهايه
ولا عرّف باقي المصير ..!!
ليست هناك تعليقات:
إرسال تعليق