ياطير خلك بالفضا وأعتلي فيه
واحذر من الطرّاد لا جا منافس
ياطير طيرك له عيون ٍتحاديه
والصيد له قصه وفن ومدارس
ماكل من عرّج على الصيد يطويه
ولاكل من يركب على الخيل فارس
ياطير جوّك مثل جوّ المشاريه
فيه الخطر لا نصّبوا لك متارس
فيه المطر لاصاحت الريح تلويه
تصير ماضي طير عالجال يابس
وفيه الهجير اللي تحدى يعنّيه
وألوان طير ٍغرتك لا تلامس
كم طير غنّى للفرح ثم تخفيه
سحابة ٍسودا مع ليل دامس
ياطير لك عز ٍعلى الخلق تبديه
ماتقبل أنفاسك خضوع المحابس
لاتلتهي بالحلم يوم وتخاويه
من صدّق أحلامه طريقه معاكس
الحلم له مقدار واجب تصحيه
خلك قريب لباب الاحلام حارس
لاتفرح بقصر الرمل ثم تبكيه
وياما رجال ٍتنعرف بالملابس
ياطير ماحدك على الذلّ تمشيه
ولا ودي ألقى الحرّ في يوم عابس
زور الصبر ياطير والصبر نشريه
ولا تقبل بدور الرخوم النوارس
ياطير لك دربين والحرّ يكفيه
ومايفهم الأحرار غير المشاكس ..!
ليست هناك تعليقات:
إرسال تعليق