وين ماوديت روحك بهذلك
تحتفل بالحزن وتكرر تهون ..
وآخرك يشبه حنينه بأولك
ليتك آمنت بنهايات الغصون..
قبل مايسقيك جمر يشكلك
خذ من عيونك تفاصيل وعيون ..
لجل تفهم كيف حبك هملك
انت الآلام بعيونك تمون ..
وصرت وحدك في زمان يأولك
ليتك أحصيت الخساير بالمتون ..
كان ماعشته ولا
هو يخذلك
الوفا بانيك حصن من الحصون ..
والليالي ماقرت من دللك
خذ من احلامك تذاكر للغبون ..
وأسر ليلك قبل
ليلك يقتلك
أنت غربه لابسه حمّى الظنون ..
والظنون تعيش بك
ما أسهلك
لاتخاويها ولا ترسمك دون ..
خلك الحرّ النزيه بمجملك
كل ماعاشرت ظلك والركون..
طاح بك كلك وكلك يسألك
من تكون الروح وانته من تكون ..
لابكيت الروح والنور
أعزلك
في تجاويفك صور عيت تخون ..
وفي تفاصيلك مزاجك حللك
ليتك تلون خيالك بأي لون ..
لجل مايطفي حنينك مشعلك
ليتك تفل الجناح بكل هون ..
وتفرد آمالك وتقرا منزلك
لاتعيش العمر باحلام الفتون ..
ولا تهيت ذكرياتك هيت لك
خذ من اطراف السما غيمة حنون
تحتويك وترتوي من أجملك ..!!
ليست هناك تعليقات:
إرسال تعليق