جيت لك .. سيل شوق ... آشيل في خاطري
كلّ قشي / صياح النبض ... ما أجملك ..!!
جيت .. شوق وحسافه / جيت .. من آخري
جيت بطوي شراع الذاكره / واسألك ..
.. أنت وينك حبيبي ..!! غبت عن ناظري
وين سلسال شوقك ..!! ليه ماسلسلك..!!
لاتقول .. الحياة .. الهتك عن ماطري
ولاتقول .. الليالي ... غيّرت بالفلك
بين نارك ونورك ... خطّي الدايري
موتري ضاع ... من وردك ليااا حنظلك
من زحلّ .. جيت للمريخ .. للمشتري
اسأل الكون / من شرّعك ..!! من حللك ..!!
كلّ مامرّ يوم ... ألقاك في دفتري ..
ليتني دفتري ... واحضنك ... واتعللك
الحروف..!! اغتنت بك كل حرفٍ ثري
يحضنك حبر .. ويداعبك ... ويزلزلك
آآآآآه ياطول صبرّ الصبرّ .. والمحتري
كم لي اشرب مدى جفواك .. واتحملك
أرمي الجمر .. بكفوف الوله.. واشتري
شرهة الليل .. من ذكراك ... واتبللك
كم بكيتك..!! وكم غنيت .. !! يا آسري
أدري / الصوت عندي .. والصدى ياصلك
أحضن الصبح .. والعب بالغلا .. سامري
وارو مني ... وانا برواك ... من أولك
هات الانفاس / شب النار .. في مجمري
لجل / اضويك..( ثم ) اطفيك ..( ثم ) اشعلك...
شفني اليوم .. جيت // و جيت .. من آخري
كلّ قشي / صياح النبض ... ما أجملك ...!!
ليست هناك تعليقات:
إرسال تعليق