غربه .. تدق الباب .. وتفك غربه
يا حسبي الله من عنا .. صرة الباب
منها .. بدا حفل المواجه وحربه
بين الحنايا .. صاخبٍ حفل الاغراب
شدّوا رواق الجرح .. شرقه وغربه
شريان غطرف.. قلده كل الاصحاب
الليل نادل .. والمساءات كربه
عجاج بعيوني .. نفى كل الاجناب
ماشفت غير غبار شارع عثر به
غريب .. يتعكز على .. حلم غلاب
ديره نصاها الموت أو جات دربه
مدري..! ولكن العزا جيش واحزاب
مالاق فيها غير / قمرا وتربه
حنينها فيني .. تراتيل و(احباب)
ياعمر/ وش باقي من العمر ؟ طرّ به
خلّ الغياب / يوثق الجرح بتراب
شفّي أخذني .. في متاهات سربه
وانا آخذه بيده عصافير واطياب
آقولها مجروح .. جرحه .. غدر به
ودّه يطيب .. وروّح العمر ما طاب
الجرح سيف .. وكل طيرٍ نفر به
يجرح فضاه ويمطر الكون باسهاب
يسقي نخل همّه / بعاده وقربه
دام النخل صورة ..أخاديد وغياب
بآقولها ( برواز ) منهو نظر به
يتكسر بعينه .. نواوير واعناب
مْدينة ورق ..!! أوهي تفاصيل غربه..!!
ولا ورق ..!! يبكي مدينة بلا باب ..!!
ليست هناك تعليقات:
إرسال تعليق