أغلا القصيد اللي كتبني بلا حول
كذا يجيني دون ما ارتب الحال
غيمة تزف الحب تمطر على طول
ويفيض وادي عطرها كل ماسال
بكتب لأغلا الناس بس ويش بآقول
حبه سرقني كــل ماغرد البال
الناس تعشق والعشق صاح بذهول
ابعد عن العشاق والعشق قتال
قلت العفو عاشق ملك سيف مصقول
أسمي على اسمه والسماوه لها فال
عبدالله اسمه لاطرى قلت لاحوول
هذا ابو ولا أخو أو هو الخال
أشوف ابوي بداخله صدر وفعول
ميزان عدله مانقص يوم مثقال
هو كل شي وكل الأشياء بميول
بقلوبنا صورته قبل أي جوال
تبت يدين الشعر لاصار مقتول
مايوصف اللي داخلي عشق شلال
من غير ابو متعب نصفف له القول
من غير ابو متعب على القلب خيال
فارس عروبه كل ماطاحت خيول
خيله تفزَ وكنها شمس تختال
سياسته دين ووطن عزَ وأصول
سياسته يامرَها عند الانذال
يبني شموخ ويهدم الكذب ويطول
رجال لا كنه بمليون رجال
لمَ الفقارى وانتثر طيب وسهول
صدره وطن للي تغرب بالاهوال
صقر العروبة بالسما طار بالجول
له السماء الثامنة كل ماجال
يمينه اخوانه مناعير وزحول
اعيال اخو نورة مداهيل وجبال
ويساره الشعب الوفي كنه اللول
ثمن طعش مليون زلزال زلزال
ماهمه اللي يغرف البحر بنعول
ولا همه اللي عايش العمر بهبال
لو الحجر نعطيه بيدين مخبول
الخبل يقصر والجبل بالرمي طال
وطية قدمه تعطر الأرض بوصول
وتشرف ترابن شرب حلم الأجيال
دمعته يومن شفتها شفت مدلول
أن الوفا ياخذ منه طيب وخصال
بكيت وحدي بالتفاصيل هملول
وشلون يبكي سيدك وانت همال
لقيت بآخر ليلتي قلب مكبول
يحب ابو متعب على كل الاحوال
فديت روحه كل مامر بي زول
فديت قلبه كل ماشفت تمثال
هوالحقيقة في زمن كله طبول
هو ظل بعد الله ماغيره ظلال
منه الدفا في برد الايام مأمول
ومنه الوفا لاطالت حبال وحبال
شقيت صخر المفردة شعر مفلول
ولقيت حرفي ماوفى سيد الابطال
هو اختصاري لابدا الشوق بحمول
هو اختصار الكون عزوة ومدهال
له السماء الثامنه قايد الجول
ثمن طعش مليون في قلب رجال
ليست هناك تعليقات:
إرسال تعليق