بكاء أنثى

لابكت أنثى يطيح الغيم كله .. 

ويستفز الأرض حزن العالمين ~

لامتى يا أرض حزنك نستحله .. 

ولا متى ياناس حنا عابرين ..!!

دمعة الأنثى وطن يهتز جله .. 

وتذبل ورود الفرح والياسمين

ماء دمعتها سقى بالقلب عله .. 

قبل مايسقي جروح الراحلين ..!!

من قراها مالقى درب ِ يدله .. 

ولا لقى بيده كنوز العارفين

كل مابيده ألم سيفه يسله .. 

ويطعن الباقي من أشلاء الونين ..!!

أي أنثى أم واشجار ٍ مطله ..

 تسقي الظل الحنين ولا تبين

كنها مثل السحايب في محله .. 

تمطره ويعيد ترتيب الحنين ..!!

حشرجتها جيش جاهز للمذله .. 

خايف الأعدا وصدره له كنين

من يساومها على ذله وغله .. 

غير من ذاته بلا معنى تهين ..!!

كل أنثى هي وطن كلن وصل له .. 

بس من كفه تلم الدمعتين

 كل أنثى غيم والغيمه مطله ..

لامتى هالأرض ماتعرف تلين ..!!