وينك يامطر ؟

لاتحسسني بعجزي عالكلام ..

 وانت تدري عن حنيني والمطر

لاتشق الحال عن دمعة ظلام .. 

والله ان الدمع ناوي ينهمر ..!!

كل مافينا طموح بلا وئام .. 

مالقينا شي يسوى بالعمر

كل ماطيرت لعيونك حمام .. 

مات باغصانك وانا كلي شجر

لاتحسسني بذل الإنقسام .. 

هات روحي ثم دور لك عذر ..!!

خلني واقف تعبت الإنهزام .. 

خلني شمسك وانا اهديك القمر

لي عليك تعيدني طفل الفطام .. 

ولك عليّ آسيل بك مثل النهر ..!!

شوف كم فينا جروح وكم خصام .. 

وكم علينا نحتمل طول الدهر

مايسرّ الروح غير الاحترام .. 

والعطا من دون تلويع الجمر ..!!

عطني كفوفك انا كلي غمام .. 

ولا تسمي شرهة العاشق قهر

عزتي تمطر مع حضنك كلام .. 

ودمعتي تسألك : وينك يامطر ..!!