قوس لقياك

حبيت اذكرك باللي راح طول العمر ..

والعمر ماراح مني وأنت في أوله ..

لاجيت أبكتبك ماخلاّ الحنين السهر ..
ولا قلت بنساك : رحت آكرر المهزله ..!

في قوس لقياك حنّ الما لصمت الشجر..
والغيم ما فارق أحساسي ولا أوّله..

أنت أختراق المدى بالذوق نكهة مطر..
وآنا مداك البسيط المنتهي بالّوله..!

عطني من أقصاك مايرضي خيام القهر..
وخذ ماتبي من عيون الحزن دون اسئله..

أنت الوحيد الذي يملا الحياة بضجر..
وآنا الوحيد الذي صعبه يكون أسهله.!

تعااال ماعاد فيها شمس ولاّ قمر..
النور بيدك وقلبك يوووه ما أنبله ..

سلمتني من فتات الصبر كسرة ظهر..
وسلمتك القلب ليتك بالرخا تقبله..!