القدر : واحتراق الأسئلة .. ليل ليل
وليل مابه جواب/أصعب حروق القدر
الشجر : في جفافه .. ثابتٍ مايميل
ولا تمـيل الغصون ... إلا برّي الشجر
الثمر : ماجناه الخبل .. قبل العميل
ياعميل الخبول .... اليوم زان الثمر
التمر : يبتهل بالصدر.. قبل النخيل
والنخيل ان جهلته ... مالحقت التمر
القمر : في ثرى بغداد يضوي فتيل
يافتيل الرصاص .. وياشظـايا القمر
النظر : ماتسامى في عيون المقيل
والمقيل بعيون الحق .. موت النظر
الدهر : يكتب أكبر/ لا تقول القليل
القليل أن كتبته .. ضعت كبر الدهر
الزهر : يشبه الأحـلام في كل جيل
وجيل الأحلام .. يشبه بالذبول الزهر
القهر : أرض ولاّعرض ماله بديل
البديل لـ حياة الموت .. موت القهر
الصبر : وانتهى ماجاء بعده جميل
ياجميل المهانه .. وين راح الصبر؟؟
العذر : مارواني من خـيال ونثيل
النثيل الذي يغــشى ... دروب العذر
الأمر : ينتظر فعله ..هلا بالمكيل
يامكيل الفعول .. انفض غبارالأمر
الفجر : نور درب اضناه ليلٍ طويل
ياطويل الرجا ... قلبك نساه الفجر
النهر : يبكي بعينه جفاف المسيل
يامسيل الرجال لـ وين يبكي النهر ؟؟
البحر : وين ربانه مع الألف ميل
(ميل) صوّت / أيا ربان هذا البحر
العبر : تسقي العاقل بظلٍ ظلـيل
ياظليل الوهم ... بسقيك بعض العبر
العمر :(بنت عاهر) يعربية عويل
ياعـويل العروبة .. يابنات العمر
الخطر: بخل عزم ولا تكون البخيل
البخيل اشترى موته ضمان الخطر
الصقر : بالسما يرقا .. ولا له مثيل
والمثيل بغبونه .. تحت ظل الصقر
الدرر : ضي روح وظل عابر سبيل
ياسبيل العبور الـ حور روح الدرر
الأثر : طير بجناحه .. شموخ ودليل
يادليل الشموخ/الطير/ نقش الأثر
السهر : هو غناة الشاعر المستخيل
يامخيل السحاب .. وياغناة السهر
المطر : قلب متكسّر ونبضه يسـيل
وماتسيل القلوب إلا .. بنبض المطر
الوتر : ضلع يترنّم بغــربة عليل
والعليل بضلوعـه طاب عزف الوتر
الجدر : لا رفعته مابنيته هـزيل
والهزيل ان رفعته .. مابنيت الجدر
الحذر: ماشربته في كؤوس الهبيل
والهبيل أن كسرني.. ماجبّره الحذر
الكدر : لا رثيت العزّ .. بيد الذليل
والذليل ان حداه العزّ .. جاه الكدر
الجمر : بالعروق وبالمداهيل هيل
وهيل الأيام حالم .. في ثنايا الجمر
السفر : مانساني خطوته بالف حيل
حيل ياحيل..غنّ اليوم / طال السفر
الشهر في ثلاثينه ... صيامه قليل
والقليل.. بـ ثلاثيني / فطور الشهر
ليست هناك تعليقات:
إرسال تعليق