لا متى والحنين يزورني كلّ يوم
لامتى كل يوم آزور بيت الكلام
لامتى الصدر يبني بالرماد الغيوم
لامتى والسما ماتمطر إلا ظلام
السموات سبعه والثمان الهموم
والأراضي كذلك ثامنتها حطام
في عروقي عزا ومطارحه للحلوم
والحلوم بغرابه ماتفك اللثام
الدقيقه شهر يوم الشهر ألف يوم
والسنه عمر ثاني ماتهيا وقام
غربتي قبر ياقبري كسرت العزوم
ليت للقبر باب وللعزوم احترام
ليت للنبض صدر وللمعاني قروم
ليت للحظ باب وللمنية سلام
ليتني ما قريت الكف بيد النجوم
ليتني ما هديتك يافضاي الوسام
ليتني طايرٍ بجناح حلمه يحوم
ليتني للحلوم اصحى بريشة حمام
ليتني ليتني ياليتني بس اقوم
واسقي الحال من قربه بليا سهام
آآه يمه كسرت الجاي قبل القدوم
آآآه يمه قريته في كفوف الزحام
مانصحني زماني والنصايح تدوم
ماعطاني وانا سلمت درع وحسام
آآه يمه خذيت من الشموخ الملام
ولاطفيت العزيمه ولع الإنهزام
بين جمر الليالي أيه في كل يوم
أحتفل بالهزيمه واحتفل بالكلام
ليست هناك تعليقات:
إرسال تعليق