قلت لك

قلت لك ..

 من قبل صوتي .. 

قبل موتي ..

 أنتي استثناء غيمه .. 

والسما ماتجهلك ..! .....

قلت لك .. 

صمتي كلام 

وكل مافيني نسى صوته 

وفاض السيل لك 

قلت لك .. 

قبل المزن .. مالك وزن .. 

أنتي خلاصة ماء في شكل البشر .. 

والحلم صب الحلم بايديني وقال : استاهلك

قلت لك .. 

قبل أرتوي مالي خوي ..

 إلا سما عالق بها نبضي ونبض يدللك

قلت لك ..

 أنتي أنا وكل الأسامي 

شي هلامي .. 

دام أنا قد قلت لك : ما أجملك

قلت لك .. 

صوت غنى 

وآآنا فقير الحب .. 

وايديني مدى تحتااااج لك ..

قلت لك .. 

مالي وطن .. 

غريب يتعكز حنين بلا ثمن .. 

دام الغلا مشوار 

قررت الرحيل وكل مابي يعتليك وينزلك

قلت لك .. 

ماني أنا 

دام الحروف تسابق جروحي عليك 

وكل مابي زلزل أنفاسي 

وراح يزلزلك

قلت لك .. 

عثرة مداي أجمل رضا .. 

دامك فضا .. 

ماملّ من غيم الحنين

ولاغفى عني يجيك يبللك

قلت لك ..

 ظلمك عدل .. 

دامي رجل 

واحيا على شمسك نهار تعيدني طفل المطر 

بآآآعيدها : ما أعدلك

  

قلت لك .. 

أنك أنا .. 

والمرافي حزن وافي .. 

ينتظر بسمة تفاصيلك .. 

ويسكن منزلك ..!

قلت لك .. 

ماقلت لك .. 

واللي بقى .. نبض ورقا .. 

وحده على باب السما .. 

يسأل عليك ويجهلك ..!

قلت لك .. 

كل الكلام ..

 اللي بعيني .. ياحنيني .. 

كلنا آآنا وتغريب المسا والريح في حفلة ظلام ..

ونورنا :  حنيت لك