الليل مايفهم حنين

 منك .. 

من حربك ومن سلمك .. 

ومن حمّى الأنين..

 جيتي لحالك 

على فوضى مسا ماهو مسا .. 

إلا مساحه من حنين

ماقريت أطفال صدرك 

ولا انهزمت بجيش قدرك .. 

ما انتصرت ولا انهزمت .. 

كل مابالأمر .. 

توليفة سما .. 

موت وأنين

ماكتبتك لو كتبتك طول عمري .. 

يستفيق الحبر / يتضاءل معك /

ويجف كله منك / 

من عين المطر/ جمّره وتين

وش علينا مـ السما .. 

دام العمى ..

 واقف على شباك سجن .. 

وكلنا زحمة ضجر ... فوضى سنين

ماعلينا من أحد .. 

ولا يهم اللي نشد .. 

الأهم انتي وانا .. 

كل العنّا .. 

تفاح مايعرف سماح .. 

وروح تتهجا المطر والعابرين

ليلنا طاغي ولّه .. 

محدن بطوله زلزله .. 

غيرك / ولا غيرك تمادى بالسما .. 

كانت جناحينه يدين

ما أعذبك .. 

ما أغربك .. 

ما أجملك .. 

كلك على بعضك سكاكر في فناجيل الزمن ..

 والوقت عين

ياتحفة الليل ومداه .. 

ياموطن أزهار الفضا .. 

وين الرضا ؟؟

 دام الخطاوي للكرز وش عذرنا .. 

دام العذر عيّا يلين

كلك مسافة بين نحر وبين نهر ..

 وكلي ماحولك تثنى .. 

والحظوظ تموت حيه 

مثل ما مات المطر فينا حزين .

ياثمينه .. 

رتبي فوضى حنينه .. 

مابقى للشعر قيمه / 

وسط ديمه 

تخنق اطرافي وتنصبني علم 

/ كله ألم .. 

والليل مايفهم حنين..!