ولّع بصمتي يمكن تحس بالنار
وتشوف من جمر الحكي موت غيمه
ماكل من يحكي نسى غربة الدار
ولا كل من يسكت حياته عظيمه
شفني هنا ميت ولّه حيّ صبّار
أصنع من الأحزان موطن وقيمه
ماجيت أدور للتعب خنجر أعذار
ولا رحت أفتش عن مواني قديمه
وحيد درب ولامعي غير الأمرار
اشرب بها خطواتي المستقيمه
أنا انتصاري يشبه لموت الأحرار
من ينتصر بالموت ذاق الهزيمه
أهديتك أوتار السما قبل تختار
ولحنت لك نفسي على لحن ديمه
غنيت لك دمعات وعروق واشعار
كنت الفجر وانت الغروب وجحيمه
كنت أقبل أعذارك ولا أقول جبار
وآجيك بخيول السماح السليمه
في كل مره كنت تهدم لي أسوار
وفي كل مره كنت أداري الجريمه
فاض التعب والسد لابد ينهار
ويمّر بك نوض الحياة الظليمه
إلى متى وآآنا على الحلم مدرار
إلى متى والحلم يسمح خصيمه
كل الأماني فيك مهشومة الثار
وكل الليالي بعد جورك أليمه
النور بعدك مانظر لي ولا زار
كن العيون تخون والدمع شيمه
خذ من عيوني مايكفيك مسفار
خذ كل مابي قدرة الله رحيمه
أرجوك لاتسأل عن جنون الامطار
ولا عاد تسأل ليه روحك يتيمه
ولّع بصوتك يمكن تحس بالنار
وتشوف جمر الصمت في موت غيمه ..!!
ليست هناك تعليقات:
إرسال تعليق