قلّ للصبايا يافهد ..سلة النور
قمرا ورق والليل حالك وحالك
مثل البحر مايلجمه أي دستور
موجه يصارع مابقى في خيالك
زحمة ورق مابللت نحر عصفور
فوضى أرق متسنده غصن هالك
بندق بلا بارود وشلون بتثور
أيا جبين الشوق :هذي تلالك
أكتب على غربة خطاويك مقهور
وأشطب على حلمي بطول احتمالك
زفرة مداين حالمة داخل السور
ضاقت شوارعها على ضيق جالك
أشوف ترتيب الفضا وسط تنور
لا أرضك أرض ولا جبالك جبالك
لاصوت لامعنى ولا حسّ منثور
وعروق صمتي تنتحب في حبالك
يمكن ولّه يمكن تعابير مكسور
يمكن اماني طافت قصور بالك
شوكة حنين بخاطري سنبلة حور
وآدوّر انفاس الرضا:كيف حالك
ماعاد في يديني تفاصيل للدور
ولا عاد بعيوني دموع وممالك
ماغير نبضك يغزل النور ويدور
يسأل عليك الليل يسأل سؤالك
وينك حبيبي مابقى دمع وشعور
وينك وحشني منك كلك لحالك
لاتبتعد دام المطر خيل وقصور
شف السحايب ممطرة باحتلالك
تعال أضمك دام بغيابك حضور
وش عاد لامن قلت كلي حلالك
تعال حلم ولملمة طيش وطيور
تعال زحمة روح ملّت جدالك
سماي دونك ممطرة موت و قبور
والحرّ مايرضيه خبز انحلالك
أنا سفر وانته وطن دون دستور
وما للغريب إلا ضيا ليل حالك
ليست هناك تعليقات:
إرسال تعليق