ماقلت لي

ماقلت لي ..
راح العمر ماقلت لي ..
وش أخرك ..؟
دام الحنين بأولك ..
ليه المسا فاضي ..
وصدري ممتلي ..!
ماقلت لي ..
خذ من حكايات النهر ..
عطر وسهر ..
بس قلت لك ..
بآخذ حكايات الصبر ..
وأتعلمك ..
يمكن تحنّ وتنجلي ..!
ماقلت لي ..
من يحمل أغصان الطموح ..
يحيا بفم السالفه ..
كله رضا ..
تشبه حياته مقتلي ..!
ماقلت لي ..
أنك بعيد بلا وريد ..
إلا حلفت أنك معي ..
في مدمعي ..
وانا على جالك ..
تعبت أسأل وريدك : أنت لي ؟؟
ماقلت لي..
وين الخطا؟
دام الخُطا يمك تسوق عروق..
يمك تعتلي.!
ماقلت لي..
إنك سما وآنا الأراضي..
لاشكت نوض الغياب.
وكسر التاريخ فيها معولي ..!