العطا سرّ الالوان

جرب تعيش الخارج اللي بداخلك ..

 لاتقتل الإنسان في داخل إنسان

خذ من قيود الفكر موضع تساؤلك ..

وطيّر حمام البال لاكنت طفشان ..!

عامله باحساسك ولو مايعاملك ..

ماهو مهم انه يجافيك باحسان

كل المهم انك تعامله باجملك ..

العمر لوحة والعطا سر الألوان ..!

لاتلتمس للعذر موطن يجاملك ..

الحرّ ماعمره دنا فوق خسران

خلك وحيد ولا تنافرت بأولك ..

آخرك يهديك الرضا حب والحان ..!

هذا زمان الموت محدن بسألك ..

خذ الجواب اللي عليه الزمن لان

افرد جناح الرغبة اللي تمولك ..

سماك حضنك والأمل فيك جنحان ..

الليل غيمٍ ماسقى بك تأملك ..

والصبح نورٍ مالمح سرج وعنان

فك القيود اللي بصدرك تزملك ..

واحذر تبيع الورد لو كان ماكان