عادي ليا من جيت أو رحت عادي
ماعاد لك في خاطري أي قيمه
لون المطر / ماهو شبيه الرمادي
والحرَ ..! مايكفخ ليا حلَ ديمه
الحرَ ..!لا قرنس على الحول بادي
ويضج من حول البراقع خصيمه
قيده .. وصقاره / خصوم وأعادي
ولا حلَ وقت الصيد محدن يسيمه
الليل فستان الحزن والأيادي
تلبس صباح الله وتسأل عزيمه
أنا انتصار الما .. وطهر المبادي
وانت البقايا من رماد الهزيمه
يعني بكل الحزن صوتي عنادي
يعني بكل الصمت مابيع شيمه
يعني بكلي جيت صوتي بلادي
وش حيلتي لاصار عندك جريمه
يعني تعال أقرا جموح المفادي
يعني فديت اوطان ريمه وريمه
أنا أنا مهما جفيت ارتيادي
وانته لحالك سرَ مهد الظليمه
السيل ماهو بس اسم اعتيادي
السيل يعني ماااء روحٍ أليمه
السيل صوت انسان بالهم شادي
والروح تعطي صوت الانسان قيمه ..!
ليست هناك تعليقات:
إرسال تعليق