ياحبيبي فديتك وين ذيك المزوح
كل ماسج قلبي جيت كلك رماح
أي وربي أحبك .. قلتها عذب روح
ليه تقسى عليه دامني لك مباح
قلبي اللي سكنته .. مانسته الجروح
كل ماجيت أبسلى ضعت وسط الرياح
أنت مني وفيني .. أنت دمعه وبوح
أنت كلي .. وكلي ..وانت سيد الملاح
لاتناسى حبيبك كان قلبك سموح
وش بدا من خفوقي غير نبضٍ وصاح
تدري الله عطاك القيد .. عطني فروح
هدّ جنحان قلبي واعتذر للجراح
لاتقول الليالي مابها أي ضوح
لاتقول القمر عيا ونور الصباح
أعتبرني غريبٍ طاح فيه الجموح
واعتبرني مسافر للظما فيك طاح
ياوجودي عليك ..أكبر من اللي يفوح
لعنبو ليلةٍ .. ماشمت العطر فاح ..
إحتضاري قضية .. وانطلاقي ينوح
وانت وحدك تجيد العزف بارض الكفاح
المحبة من الله .. والمحبة صروح
والمباني كثيره بس وين السماح ...
الغياب بغيابك .. صار للموت روح
وروح فرقاك عندي تحتضر بالرماح ...!!
ليست هناك تعليقات:
إرسال تعليق