ياليالي الصبر ياطعم الغروب
ياصنوف الهم زيديني ألم
وش بقى للنور والدمعة تروب
كل ما عاندت يطرحني سهم
من تباريح الشقا صوتي يذوب
والصدى يرجع يدور له قلم
لا لقيت الما و لا حصلت طوب
ولالقيت الحلم جاله من فطم
الله اقوى من يقفل بالدروب
والله ادرى في تواصيف الورم
الأنا ياناس عاثت بالقلوب
كل من تاطاه واطي بالقدم
يحسبون ان الزمن مابه خطوب
والدقايق كلها باحلى طعم
مادروا عن سرّ توزيع الهبوب
ولادروا وش بعد تحطيم الهمم
من زرع ريحان والله مايتوب
ومن يروم الكذب يجني ماردم
ومن رقا العليا يحسب للذنوب
ومن سقاه الذنب للعلياهدم
ياجنود الله غيرك من ينوب
ومن يرد البحر لا منه ظلم
أدري ان الصبر يسعى للهروب
وادري ان الهم عمره ماانقسم
لكن وربّي ولو طال الغروب
لازرع الأحلام في حوض الألم ..!
ليست هناك تعليقات:
إرسال تعليق