ليلةٍ زرقـا .. تـبللها السجايـر
في ضلوع الليل ..تتحرى / صباح
انتظار الغي ..تقسيـم الستايـر
وانتظار الحلم / صوت اللا مباح
عشقي المجنون .. صففته عشاير
والتهيت أبني من الغربه / جناح
كل مابيدي / جليد يمـوت ثايـر
ثورة الجايع ..على رتم الجـراح
أرتوي مني جنوحي .. بالدوايـر
وانسج الما من تعاويذي / وشاح
احتمي بالذاكرة .. سوط وعبايـر
والتوي بالشوق لا علَ الصيـاح
فاتنة ترقا .. وانـا للغيـم زايـر
من سموَ الذوق .. تتحنا ضـواح
كلها جنة / وفيها السحـر حايـر
وين يلقى له مسار بـلا جمـاح
الخطوط المستقيمة / ميل غايـر
والميولة فاطنة .. حمَـى رمـاح
تستقي لون السما لا.. لاح طاير
وتلتحم بالما .. تفاصيل وسمـاح
لالمسها / فاح عطر من الحرايـر
وغطت الدنيا / غيوم المستبـاح
انشطار اللول .. كنز بلا عمايـر
والتئام الغـي .. معنـاه ارتيـاح
ضمني ياموت / دام الحب جايـر
ولا تسلمني لـبعضـي والريـاح
يكفي من الليل / تأنيب السجايـر
لا ممات / ولا حياة / ولا صبـاح ..!
ليست هناك تعليقات:
إرسال تعليق