يارياح القـهر .. يارمل حزني .. وياكثر الغبينه
ياوجودي على .. غبن الشوارع / وتكسير الكسور
زمجرة ريح ..! ولا هي سكاكين في صدر السكينه
تجرح الليل .. واغني لبغداد ... واتمادى ضمور
يامزامير صدري .. أعزفي بعض زفراتك .. مدينه
عشقها .. طال تاريخ الحقيقة ... وزلزل كل سور
هي مدينه .. ولكن داخلي / كون سابح في حنينه
الغرق فيه / عزّ ... ولانجيت / انهدم فيني قصور
أيه بغداد .. نور العزّ / نخل الحضارات الثمينه
والرطب نور يتساقط ... ونورٍ تسامى وسط نور
أيه بغداد .. أسـطورة مداين .. ونورٍ شاربينه
ريح / أو عاصفه / أو بحر .. ولامحيط من العطور
أيه بغداد ... طينٍ .. راح في عين عينٍ مستهينه
اليسّر عسّر ... و الظلما مريحه .. وتغريبي عبور
أيه بغداد .. ياغافي على صدر .. ليلاك المشينه
جادت بكل مافيها .. وتـنزف ... ولا فينا جـبور
أيه بغداد .. ماماتت .. ولا راحت بفوضى طنينه
أيه بغداد ... ماجفت بدجله ... ولا تبكي غرور
دمعتك غاليه .. ياغاليه .. والغلا / تقصر يدينه
الغلا .. في حضورك / واطي الطول وعزومه تخور
دمعتك دمعتي ... واحساسي اكبر من ايامٍ حزينه
ذل يكـبر بذل ... ودايرة ذل ... وغياب الحضور
أنتي أغلى حبيبه ... للذي دمعته .. جفت بعينه
بين عينه وعينه .. صمت كسر مجاديف الصبور
غيبتك واحتراقك .. طفل ضايع دموعه من سنينه
غربتك .. ذل أمّ .. اتدوّر الما ... لطفلٍ مات بور
مانسيتك ... وربي ... والذي سطرك ورده رهينه
مانسيتك ... وانا دمي ودمعي ... بفوضاها تثور
كيف بنساك .. والتاريخ .. ماصفقت لوحة يمينه..؟؟
كيف بنساك .. واثقال اليهودي على صدرك تجور..؟؟
كيف بنسى .. حنين الأرض / موال تغريبي وطينه ..؟؟
كيف بنسى ... مآذنّنا ... وتدنيسها بيد الشرور ..؟؟
من بينساك / واطي .. واحترامه لذاته .. مايزينه
من بينساك / خاين ... والخيانات .. بستان وبذور
من بينساك / همه .. يحلب الليل .. ويلطخ جبينه
من بينساك .. ثوبه .. شقه العار .. بيدين الصقور
ورب هارون / ومحمد / ويوسف/ ونوح اللي سفينه
جابت البحر / وآدم/ ثم /موسى /وعيسى/ والزبور
صوتي اللي بصدر الليل ... مايوصل إلا من أنينه
مايقف وسط حلقي ... دام بغداد ... بعروقي تفور
أيه أنا أقولها ... واليد تعـجز ... وقلبي مايعينه
غير / ربٍ عليمٍ ... كل ماحاك ... مابين الصدور
أصبري صابري .. ياتحفة الأمس .. يا أغلى مدينه
جاهدي جاهدي ... والجنة الوعد يافيض القبور
هذا بعضي .. سكبته حرف مقهور .. بعروقه غبينه
ياوجودي .. ويا غبن الشوارع .. وتكسيرالكسور ..!!
ليست هناك تعليقات:
إرسال تعليق