ليله حزينه

جدال الليل / تأنيب السجاير ..

وترويض الحزن / ليله حزينه

أسامر مابقى من حلم جاير ..

واداري قلبي ورعشة حنينه

أشوفك صوت في صمت الستاير..

وأشمك عطر بكفوف المدينه

تخيلت السما نبض وحراير ..

 لقيت أنك مطر .. روحه سكينه

وجفت بعدك غصون وعشاير ..

ومال الحظ .. ميل الياسمينه

أحبك / ليه قالوا الحب كافر ..

وبك روح المدى / نبضه سنينه

صحيح الموت فرقا من تعاشر ...

ولكن للأمل نحيا رهينه

عيون العمر .. كم فيها نسافر ...

وكم نبكي .. على الحلم وندينه

وكم في العمر حب ؟ بلا مشاعر

وكم من حب نحيا وسط عينه