موت الأحرار

علمّ شموخ الريح عن قلّ حالي ..

 وياقلب لاتنسى صواديف الأقدار

ياقلب خبرهم عن اللي جرالي ..

 وعن كل ديمه مالفت قلب صبار ...!!

يذبل نهار وينطفي شمع غالي ..

والليل بعده ما هدا شوق واصرار

كني غصون من الزمن ماتبالي ..

غرد بها طير الحزن : موت الأحرار 

إلى متى يخنق سؤالي سؤالي ..

وأموت حي وداخلي جيش مغوار

أهدي من أسرار المدى ماطرالي ..

وأقبل هدايا الخلق من دون ما اختار 

الما وصوت الما حكاية خيالي ..

واللي كتب بالما حياته بالأمرار

عذر الضيا ماصدقته الليالي ..

وعذر الغريب يموت ماحصل الدار